Penza ka shënuar fitore të lehtë ndaj Trepçës me rezultat 101:37 (26:6, 22:9, 28:11, 25:11), për tu kualifikuar në Superkupën e Kosovës te femrat.

Në finale vashat pejane e presin fituesin e ndeshjes Prishtina-Bashkimi, që zhvillohet nga ora 19:00 në Pejë.

Vashat pejane dominuan nga fillimi deri në fund për të shënuar fitore të merituar. Skuadra verdhezi e nisi ndeshjen shumë më mirë, për të rritur epërsinë minutë pas minute, ndërsa çerekun e parë e fitoi 26:6.

Ngjashëm vazhdoi edhe në periudhën e dytë, duke ngritur edhe më shumë epërsinë dhe për të shkuar në pushim me shifrat 48:15.

Kampionet e Kosovës nuk u ndalën as në pjesën e dytë dhe triumfuan në fund 101:37.

Te Penza u dalluan Caltins Jenkins me 19 pikë e 17 kërcime, Antonete Thompson me 17 pikë e tetë kërcime, Lejlja Omerbasiq me 22 pikë e gjashtë kërcime dhe Jeta Zeka me 14 pikë e nëntë kërcime.